नेवा: अनलाइन न्युज | २०७६ भाद्र १२, बिहिबार १२:३०:४१

चीनया दक्षिणय् च्वंगु हेनान प्रान्तय् बिहिवाः सुथय् धाकुफय् (आँधी) वयाः कम्ती नं च्याम्ह मनूत सीगु दुसा छम्ह तच्वकं घाःपाः जूगु दु ।

स्थानीय प्रहरीया कथं बिहिवाः सुथय् थ्यंमथ्यं ४ ता इलय् हेनानया दान्झाउ नगरय् धाकुफय् वःगु खः ।

छगू निर्माण कम्पनीइ ज्या यानाच्वंम् मजदुरपिं च्वनाच्वंगु छाप्रों ल्हानाः छगू हे थासय् च्याम्ह मजदुरपिनिगु ज्यान वंगु खः । प्रान्तीय सरकारं खोज व उद्धारया नितिं थप प्रहरी व उद्धारकःमि परिचालन याःगु दु ।

थ्वहे झ्वलय्, चीनया उत्तर पश्चिमया निङसिया हुई स्वायत्त क्षेत्रय् निगः सवारीसाधन थःथवय् ल्वानाः कम्ती नं खुम्ह मनुतय्गु ज्यान वंगु दु ।

Categorized in अन्तर्राष्ट्रिय