telecom 18 kartik 2076

चिनियाँ राष्ट्रपति सी जिनफिङं थौं न्हिनय् १ ता इलय् चीन वनीगु

नेवा: अनलाइन न्युज | २०७६ आश्विन २६, आइतबार १२:२८:१८

नेपाःया निन्हुयंकंया राजकीय भ्रमणया नितिं शनिवाः नेपाः थ्यंकूम्ह चिनियाँ राष्ट्रपति सी जिनफिङं थीथी व्यक्तिपिं नापलायेगु ज्यायात थौं आइतवाः नं निरन्तरता बिइगु जूगु दु ।

शनिवाः राष्ट्रपति विद्यादेवी भण्डारी व प्रमुख प्रतिपक्षी दलया नेता शेरबहादुर देउवालिसे नापलायेधुंकाः चिनियाँ राष्ट्रपति सी जिनफिङं आइतवाः नेकपाया नेतापिन्त नापलाइगु जूगु दु ।

नेकपाया छम्ह नेताया कथं, नेकपाया सचिवालय दुजःपिन्सं मंकाः रुपं सीलिसे सुथय् १०ः३० ता इलय् नापलाःगु दुसा उगु नापलाये ज्या नेकपाया नायः प्रचण्डं नेतृत्व याःगु खः ।

नेकपाया सचिवालय दुजःपिनिगु मंकाः पुचलं नापलायेधुंकाः प्रचण्डं वान–अन–वान नापलायेज्या याःगु दु ।

नेकपा नेतालिसेया नापलाये ज्या धुंकाः सी नं प्रधानमन्त्री केपी शर्मा ओलीलिसे नापलाःगु दु । सी व ओलीया नापलाये ज्या धुंकाः निगू पक्षीइ वार्ता जुयाच्वंगु दु । निगू पक्षीय वार्ताय् थीथी सम्झौतातय्गु ल्हाःचिं तयेगु ज्या जूगु दु । थ्व ज्याझ्वः थ्यंमथ्यं छघौतक न्ह्याइ ।

निगू पक्षी वार्ता लिपा सी होटल लिहाँ वनीसा न्हिनय् १ ता इलय् विमानस्थलं स्वदेश चीन प्रस्थान याइगु ज्याझ्वः दु ।

Categorized in राष्ट्रिय