swastha 76 12 19

चिकंया भाः क्वकायेगु तयारीइ आयल निगम

नेवा: अनलाइन न्युज | २०७६ चैत्र २, आइतबार १२:०८:२०

नेपाल आयल निगमं थौं आइतवाः चान्हय् निसें लागू जुइगु कथं चिकंया मू क्वकायेगु तयारी याःगु दु । नियमित समायोजन अन्तर्गत थौं चान्हय् निसें लागू जुइगु कथं चिकंया मू क्वकायेत्यंगु खः ।

अन्तर्राष्ट्रिय बजारय् चिकंया मूल्यस अतिकं तःधंगु गिरावट वयेधुंकाm निगम. मू क्वकायेगु तयारी याःगु ख: । मू क्वाहाँ वयाः पेट्रोलया मू प्रतिलिटर सच्छि तकां नं क्वाहाँ वइगु सीदूगु दु । अथेहे, डिजेलया मू नं वहे अनुपातय् जुइ । निगम. प्रत्येक झिंन्यान्हुइ मू समायोजन यानाः वयाच्वंगु दु ।

थुगुखुसि अन्तर्राष्ट्रिय बजाःया मूल्यस ब्यापक गिरावट वःबलय् निगमयात झिन्याहुइ हे २० करोडसिबें अप्वः फाइदा जूगु दु । आःया मू कायम जूसा निगम. लच्छिया दुने १ अर्बसिबें अप्वः नाफा नयेखनी । तर, अन्तर्राष्ट्रिय बजारय् भाः क्वाहाँ वयेधुंका: नं निगमं नेपालय् चिकंया भाः क्वकायेगुलि लिपालाकूगु धासें आलोचना जुयाः वयाच्वंगु दु ।

थ्वसिबें न्ह्यः कच्च चिकंया मू प्रति ब्यारल ५० डरय् जूबलय् झिन्यान्हुया दुने निगमं १८ करोड तका दां नाफा नःगु तथ्यांक दु ।

अथेहे, पेट्रोलया मूल्यस लिपांगुखुसि न्यातका अतिरिक्त थप याःगु दु । अर्थमन्त्री युवराज खतिवडां कर थप जूसां नं मू थाहाँ वनीमखु धकाः चलाखी दाऊ पिकाःगु दु । थुगु इलय् अन्तर्राष्ट्रिय बजारय् मू क्वाहाँ वःगु मौका लाकाः पेट्रोल व डिजेलय् प्रति लिटर न्यातका दां उपभोक्तापिन्त अप्वः पुइकाः दां मुंकूगु दु ।

बुढीगण्डकी लिसेंया जलविद्युत आयोजना निर्माणया नितिं धकाः थुगु रकम मुंकूगु खः । छुं दँ न्ह्यः बुढीगण्डकयिा हे नितिं धकाः प्रति लिटर छतका दां अतिरिक्त कयाः न्ह्याकूगुलि आः अप्वयेकाः न्यातका दां थ्यंकूगु खः । हाकनं थकया: झितका दां थ्यंकूगु दु ।

Categorized in बजाः