नेवा: अनलाइन न्युज | २०७६ फाल्गुण ५, सोमबार १६:५१:०८

यलया गोदावरी नगरपालिका–५ लेलेय् च्वंगु छम्ह मनूया छेँय् ग्रिनेड बम लुयावःगु दु ।

स्थानीय शुकराम मिजारया निगू तल्लाया न्हापांगु तल्लाया बरण्डाय् ह्याण्ड ग्रिनेड बम लुयावःगु महानगरीय प्रहरी वृत्त वादे (चापागां)या डिएसपी कृष्णराज ओझा नं जानकारी ब्यूगु दु ।

थौं सोमवाः सुथय् ७ ता इलय् मिजारया छेँय् बम लुयावःगु विषयस स्थानीय बासिन्दांं प्रहरीयात खबर याःगु खः ।

नेपाली सेनाया बम डिस्पोजल पुचल. न्हिनय् १ः३० ता इलय् बम निष्क्रिय याःगु डिएसपी ओझा नं धाःगु दु ।

मिजारया छेँय् लुयावःगु बम सुनां तःगु खः धैगु विषयस अनुसन्धान जुयाच्वंगु डिएसपी ओझा नं जानकारी ब्यूगु दु ।

Categorized in दुर्घटना-अपराध