nepal lifef 2076 8 8

गुलावया मिठाई दुने हानिकारक रंग

नेवा: अनलाइन न्युज | २०७६ आश्विन १७, शुक्रबार १५:२२:०१

येँया लुँहिति (सुन्धारा)या गुलाव ब्राण्डया मिठाई उद्योगं स्वस्थ्य मापदण्डसिबें अप्वः हानिकारक रंग ल्वाकछ्याना: मिठाई उत्पादन यानाच्वंगु पुष्टि जूगु दु ।

खाद्य प्रविधि व गुण नियन्त्रण विभागं लच्छि ई बिकाः याःगु मिठाई परीक्षणय् रंगया मात्रा अतिकं जूगु विभागया महानिर्देशक डा. मनिता जोशी बैद्यं जानकारी ब्यूगु दु ।

शालिमार हसिपटालिटी एण्ड फुड्स प्रा.लि.पाखें उत्पादन जुइगु गुलाव ब्राण्डया मिक्स मिठाईस रंगया मात्रा ३१० पीपीएम अप्वः खनेदूगु खः । विभागया बरिष्ठ खाद्य अनुसन्धान अधिकृत मोहनकृष्ण महर्जनया कथं मिठाईस २०० पीपीएम सिबें अप्वः रंगया मात्रा दयेमज्यू ।

वंगु भाद्र १५ गते कृषि व पशुपन्छी विकास राज्यमन्त्री लिसें विभागया पुचलं याःगु अनुगमनय् मिठाई भण्डारपाखें नमूना मुंकूगु खः । उगु नमूना संकलनया पूर्ण ल्याब परीक्षणं क्यंगु नतिजाया आधारय् मिठाई पसःयात खाद्य ऐन २०२३ कथं दूषित खाद्य पदार्थ अन्तर्गत कारवाही न्ह्यःने यंकेगु महानिर्देशक वैद्यं जानकारी ब्यूगु दु ।

Categorized in बजाः