nepal life 2076 3 18

Error message

Deprecated function: The each() function is deprecated. This message will be suppressed on further calls in _menu_load_objects() (line 579 of /home/newahub/public_html/includes/menu.inc).

गुथि विधेयक प्रतिरोध कार्यक्रमया ज्यासना पुचः नीस्वन

नेवा: अनलाइन न्युज | २०७६ श्रावण १९, आइतबार १७:०५:३२

गुथि विधेयकयात कयाः थीथी ज्याझ्वः न्ह्याकेगु नितिं ज्यासना पुचः नीस्वंगु दु ।

थौं आइतवाः येँया ओलम्पस क्लबया थीथी खलः पुचः दुथ्याःगु परिषद्या मुँज्याय् थथे ज्यासना पुचः नीस्वंगु खः ।

ज्यासना पुचःया घोषणा नेवाः न्ह्यलुवाः डा. महेशमान श्रेष्ठं यानादीगु खः । उगु ज्यासना पुचलय् नायः डा. महेशमान श्रेष्ठ च्वनादीगु दुसा ल्यू नायः पवित्र बज्राचार्य च्वनादीगु दु । अथेहे, सचिवालयया भाला नेवाः देय् दबूया नायः नरेश ताम्राकारयात ब्यूगु दु ।

थ्वहे झ्वलय् उगु ज्यासना पुचलय् दुजःपिं यलपाखें नानीकाजी शाक्य, रविन्द्र ताम्राकार, सविना महर्जन, ऋषिप्रसाद श्रेष्ठ च्वनादीगु दु ।

ख्वपपाखें श्याम शिल्पकार, थक्वाःपाखें शान्तप्रकाश श्रेष्ठ, तोखापाखें श्रीकृष्ण मानन्धर, फम्पी संघर्ष समितिपाखें रोशन श्रेष्ठ, सक्व संघर्ष समितिपाखें राजा श्रेष्ठ च्वनादीगु दु ।

अथेहे, खोना संघर्ष समितिपाखें नेपाल डंगोल व अशोक महर्जन च्वनादीगु दु ।

थ्वहे झ्वलय् उगु ज्यासना पुचलय् किपूपाखें श्रीकृष्ण महर्जन अथेहे येँपाखें राजभाई जकःमि, नानीहेरा महर्जन, सुमन सायमि, रविन्द्र श्रेष्ठ, गणपतिलाल श्रेष्ठ, सुजीव बज्राचार्य, उमेश स्थापित, भगवान शाक्य, रमेशमान पिया व सुरेशकिरण मानन्धर च्वनादीगु दु ।

उगु ज्यासना पुचलय् सल्लाहकार कवलय् वाङमय शताब्दी पुरुष सत्यमोहन जोशी, जनकवि दुर्गालाल श्रेष्ठ, हितकरवीरसिंह कंसाकार, मल्ल के. सुन्दर, डा. पुष्पराज राजकर्णिकार व चन्द्र महर्जन च्वनादीगु दु ।

उगु ज्यासना पुचःया सचिवालय दुजःपिनिगु ल्ययेगु भाला नेवाः देय् दबूया नायः नरेश ताम्राकारयात ब्यूगु दु ।

अथेहे, मिसा प्रतिनिधिपिं दुथ्याकेगु नितिं थीथी नां प्रस्तावित यानाः यंकेगु क्वःछ्यूगु दुसा थ्वहे वइगु श्रावण २९ गते निता इलय् ओलम्पस क्लबय् गुथि विधेयकयात कयाः संस्कृतिविद् व कानूनविद् दथुइ सहलह ज्याझ्वः जुइगु जूगु दु ।

Categorized in नेवाः