ad 2076 5 18

गुथि विधेयकविरुद्ध धरानय् नं विरोध

नेवा: अनलाइन न्युज | २०७६ जेठ २९, बुधबार १०:४९:३८

संसदय् दर्ता जूगु गुथि विधेयकया विरुद्धय् धरानय् विरोध प्रदर्शन जूगु दु ।
गुथि विधेयक तत्काल खारेज यायेमाःगु माग यासें संघीय लोकतान्त्रिक राष्ट्रिय मञ्च सुनसरी जिल्लाया ग्वसालाय् थथे विरोध प्रदर्शन याःगु खः ।
म्हिगः मंगलवाः धरानया लोकपथनिसें भानुचोकतक जुलुस पिकासे थथे सरकारं हःगु गुथि विधेयक तत्काल खारेज यायेत माग याःगु खः ।
भानुचोकय् जूगु कोणसभाय् मञ्चया न्वकू चन्द्र खापुङ, मूछ्याञ्जे अशोक चेम्जोङ्ग, सुनसरी जिल्लाया सह–इञ्चार्ज पूर्णकला लिम्बूया लिसें थीथी व्यक्तिपिन्सं गुथि विधेयकयात विरोध यासें थःथःगु विचाः प्वंकूगु खः ।

Categorized in राजनीति