ad 2076 5 18

गुथि विधेयकयात कयाः थीथी थासय् ज्याझ्वः

नेवा: अनलाइन न्युज | २०७६ जेठ २८, मंगलबार २०:०२:३४

गुथि सम्बन्धी कानूनयात एकीकरण व संशोधन यायेत दयेकूगु विधेयक २०७५ संसदय् दर्ता यायेवं थ्व विधेयक गथे खः अथे पास जुल धाःसा गुथ्यारपिनिगु अधिकार हनन जुइगु लिसें थु नेपाःया धर्म संस्कृति परम्परा नष्ट जुइगु आदि बिषययात कयाः थीथी संघ सस्थातय्सं बिरोध ज्याझ्वः भेलात याःगु दु ।
यल, थिमि, य्ँय् गुथियार मूना उगु विधेयकयात कयाः सहलह ब्याकेगु व थथे सहलह लिपा गुगु कथं थ्व बिधेयकया बिरुद्ध संर्घष यायेगु धइएगु खँय नं सहलह जुगु दु ।
यलय् सुथय् बौद्ध बिहार संघ लिसें थीथी संघ सस्थातय्गु दथुइ सहलह लिपा कन्हय् सुथय् बृहत भेला सःता संर्घष ज्याझ्वः क्वछिइगु तयारी याःगु दु ।
अथे ख्वप थिमि नं थीथी गुथिया गुथियारतय्गु सहलह मुज्या जुगु दु । अथे येँया त्वालय् नं थौ सुथय् येँया सांसदत सःता तःधंगु भेला याःगु दु ।
थ्व हे झ्वलय् येँ नं नेवाः न्ह्यलुवाः डा. महेशमान श्रेष्ठ व नेवाः देय् दथुया ग्वसालय् ब्यबस्थित आन्दोलन यायेमाःगु खँय् च्यूता प्वकाः सहलह मुज्या जुगु दु । अथे हे नेवाः मुक्ति मोर्चा असनय् मूना जुलुस प्रदर्शन व असनय् बिराघ सभा यानाः विधेयक च्याकूगु दु ।

Categorized in स्थानिय-समाज