raj medeya

गुथि ऐन संशोधन विधेयक ब्वनादिसँ

नेवा: अनलाइन न्युज | २०७६ जेठ २८, मंगलबार १८:०१:०८

भूमि व्यवस्था सहकारी व गरिब निवारण मन्त्री पद्मकुमारी अर्यालं राष्ट्रिय सभाय् सहलहया नितिं दर्ता याःगु गुथि सम्बन्धी कानूनयात एकीकरण व संशोधन यायेत दयेकूगु विधेयक २०७५ दर्ता यायेवं थ्व विधेयक गथे खः अथे पास जुल धाःसा गुथ्यारपिनिगु अधिकार हनन जुइगु लिसें थुगु गुथिइ नेपाःया धर्म संस्कृति परम्परा नष्ट जुइगु आदि बिषययात कयाः जनस्तरय् व्यापक चर्चा व जनसरोकारया विषय जुयाच्वंगु दु ।

दफा १ निसें १०४ तक दफावार यानाः दयेकातःगु उगु विधेयकय् दकले ग्यानापुगु संशोधन ऐन दफा २४ यात कयातःगु दु । गुगु दफाय् गुथ्यारया अधिकार स्वतः समाप्त जुइगु खँ थुकथं न्ह्यथनातःगु दु– थुगु ऐन प्रारम्भिक जूगु इलय् गुगु नं समझदारी पत्र, सहमति पत्र, दानपत्र, रुक्का, लालमोहर, खड्ग निशान, सनद, सवालथें जाःगु गुगु नं कथंया लिखत, अड्डा अदालतं जूगु फैसला, आदेश, मिलापत्र, निर्णय वा गुगु नं लिखत व परम्पराया आधारय् दुगु गुथ्यारया धार्मिक स्थलयात कया कयातःगु फुक्क अधिकार थुगु ऐन लागु जुइवं स्वतः समाप्त जुइ व गुथ्यारयात अधिकार बियातःगु फुक्क कथंया लिखत स्वतः निष्क्रिय जुइ धकाः न्ह्यथनातःगु दु ।

अथेहे, थुगु विधेयकय् गुथ्यारपिनिगु आपालं अधिकार क्वपालातःगु धासें विरोधया ज्याझ्वः न्ह्यानाच्वंगु दु ।

थुगु विधेयकय् छु दु ? थ्व खँ सर्वसाधारणं सिइकेगु नितिं राष्ट्रियसभाया आधिकारिक वेबसाइडय् तयातःगु विधेयक थन क्लीक यानाः स्वयादिसँ । (डाउनलोड यानाः ब्वनादिसँ)

Categorized in राष्ट्रिय