ad 2076 5 18

गथु पुचः पुनर्गठित यानाः हाकनं न्ह्याकीगु

नेवा: अनलाइन न्युज | २०७६ आश्विन १४, मंगलबार १८:३१:४७

नेपालभाषा ख्यलय् प्रगतिशील साहित्य, संस्कृति व विचाःया नितिं छगू इलय् नांजाःगु संस्था गथु पुचः पुनर्गठित यानाः हाकनं न्ह्याकीगु जूगु दु । आः थुकियात छगू फोरमया रूपय् पुनर्गठित यानाः न्ह्याकेगु सहमति पुचःया पुलांम्ह नायः कवीन्द्र शेखर रिमालया पहलय् च्वंगु पुलांपिं दुजः, जःपिनिगु छगू मुना ज्याझ्वलय् जूगु खः । कुलेश्वरय् करूणारत्नया छेँय् जूगु थुगु मुना व सहलह ज्याझ्वलय् भाजुपिं मिलन तुलाधर, केशव स्थापित, बालकृष्ण प्रजापति, किरण सायमि, विजय स्यस्यः, केशरत्न शाक्य, रति जोशीपिसं पुचः पुनर्गठित यानाः न्ह्याकेगु सम्बन्धय् थःथःगु विचाः प्वंकादीगु खः । थुगु मुनाय् सहलह जूकथं पुचःयात पुनर्गठित यानाः न्ह्याकेत ज्याभाला पुलांम्ह नायः भाजु कवीन्द्र शेखर रिमालं कयादीगु दु । न्हूगु परिवेशय् पुचःयात न्ह्याकेत थीथी सम्भावित लँपुया बारे नं सहलह जूगु दु ।

Categorized in नेवाः