chetrapa55

गढीमाई मेलां लिहाँ वयाच्वंगु भ्यान दुर्घटना, निम्ह सित

नेवा: अनलाइन न्युज | २०७६ मङ्सिर १८, बुधबार ११:१९:००

पूर्वपश्चिम राजमार्ग अन्तर्गत महोत्तरीया माईस्थानय् पिकअप भ्यान दुर्घटना जुयाः निम्ह मनू सीगु दुसा उगु दुर्घटनाय् डेढ दर्जन मनूत घाःपाः जूगु दु ।

प्रहरीया कथं गढीमाई मेलां लिहाँ वयाच्व.गु ना५च १२२७ ल्याःया पिकअप भ्यान अनियन्त्रित जुयाः थौं बुधवाः सुथय् ४ ता इलय् दुर्घटना जूगु खः ।

दुर्घटनाय् लानाः सीपिं धनुषाया धुनषाधाम नगरपालिका–२ च्वनीम्ह ८० दँया सकुन्तलादेवी साह व भारतीय नागरिक ६५ दँया बर्तनीया देवी महतो खः । इमिगु बर्दिबासय् च्वंगु शुभ स्वस्तिक अस्पतालय् वासः यायेगु झ्वलय् ज्यान वंगु महोत्तरी प्रहरीं जानकारी ब्यूगु दु ।

दुर्घटनाय् १६ म्ह घाःपाः जूगु दु । घाःपाः जूपिमध्ये निम्हेसिगु अवस्था तच्वः जूगु दु । तच्वः जूपिन्त वासः यायेगु नितिं बीपी कोइराला स्वास्थ्य विज्ञान प्रतिष्ठान धरानय् छ्वःगु खः ।

Categorized in दुर्घटना-अपराध