nepal life 2076 3 18

Error message

Deprecated function: The each() function is deprecated. This message will be suppressed on further calls in _menu_load_objects() (line 579 of /home/newahub/public_html/includes/menu.inc).

गठ्ठाघरय् बस दुर्घटना, १६ म्ह घाःपा

नेवा: अनलाइन न्युज – निश्चल | २०७६ श्रावण २६, आइतबार १३:०१:३३

मध्यपुरथिमि नगरपालिका–३ गठ्ठाघर आकाशे ताँया क्वय् थौं आइतवाः सुथय् बस दुर्घटना जुगु दु । उगु  दुर्घटनाय् लानाः १६ म्ह घाःपा जुगु दु ।

येँ नं सिन्धुलि वनाच्वंगु  बा ४ ख ५७९४ नं। को बस अनियन्त्रित जुयाः बा ३ ख ७०९३, बा ५ ख ४०२९ व ना ६ ख ७१८५ नं या स्वगः बसयात ठक्कर नकुगु खः । थथे ठक्कर नंगु सवारी साधनय् च्वना वःपिं यात्रुत १६ म्ह घाःपा जुगु खँ प्रहरीं धाःगु दु ।

थथे घाःपा जुपिं मध्ये १३ म्हसितवासः यायेगु नितिं नागरिक अस्पताल गठ्ठाघर व स्वम्हसति मध्यपुर अस्पतालय् तयातःगु महानगरीय प्रहरी परिसर ख्वपया प्रहरी नायब उपरीक्षक रेवतीरमण पोखरेलं जानकारी ब्यूगु दु ।

दुर्घटनाय् लाःगु प्यगलं  सवारी साधनयात महानगरीय ट्राफिक प्रहरी प्रभाग गठ्ठाघरय् नियन्त्रणय् तयातःगु दु । ठक्कर ब्यूगु  बस चालक  सिन्धुली गोलानचोर गापा– ६ छेँ जुयाः थौंकन्हय् ताहचलय् च्वना च्वम्ह ३० दँया दीपकराज ठकुरीयात महानगरीय प्रहरी वृत्त ठिमीया नियन्त्रणय् तयाः अनुसन्धान याःगु दु ।





Categorized in स्थानिय-समाज