nepal investment baink

ख्वपं मिसामचा अपहरण यानाः १६ लख फिरौती माग, छम्ह गिरफ्तार

नेवा: अनलाइन न्युज | २०७६ माघ २०, सोमबार १२:०१:४७

ख्वपया सूर्यविनायक–५ निकोशेराय् च्वंगु छगु नीजि स्कूलय् ब्वनाच्वंम्ह खुदँ दुम्ह मिसामचाया अपहरणय् दुथ्याःम्ह छम्ह मनू गिरफ्तारीइ लाःगु दु ।

गिरफ्तारीइ लाःम्ह सर्लाहीया लालबन्दी–५ छेँ जुयाः ख्वपया बोडेय् च्वनाच्वंम्ह २० दँया आशिष थापा खः ।

महानगरीय प्रहरी आयुक्तया ज्याकुथि येँया लानीपुखूया कथं अपहरण जूगु न्याघौ लिपा महानगरीय अपराध अनुसन्धान महाशाखा टेकू व महानगरीय प्रहरी वृत्त थिमिया पुचलं थापायात गिरफ्तार यायेत ताःलाःगु खः ।

थापां फिरौती वापतया रकम थिमिय च्वंगु भाटभटेनीइ हयाः बिइत धाःगु खः ।

आइतवाः न्हिनय् मोटरसाइकलय् तयाः मिसामचात यंकूगु सचं वयेखतं मालेगु ज्याय् प्रहरी परिचालित जूगु खः ।

मचायात घ्याम्पे डाँडाय् यंकाः ल्यूने ल्हाः चिना: तयातःगु प्रहरीं जानकारी ब्यूगु दु । तर, मिसामचा ततःसलं ख्वये धुंकाः अन चाःह्यू वःपिं मनूतसें सः ताइगु ग्याःचिकुं आशिष थापा मिसामचायात अन हे त्वःताः बिस्युं वःगु धाःगु दु ।

जंगलय् ख्वःसः तायेदयेधुंकाm चाःह्यू वःपिं मनूतसें न्यनेकने याःबलय् मिसामचां स्कूलया नां धायेधुंकाः सर्वसाधारणं मचायात स्कूलतक त्वःताब्यूगु खः ।

Categorized in दुर्घटना-अपराध