नेवा: अनलाइन न्युज | २०७६ आषाढ ९, सोमबार १३:५३:५६

क्षेत्रपाति निःशुल्क चिकित्सालयया न्हूम्ह नायः डा. मनोजमान श्रेष्ठलिसें न्हूपिं पदाधिकारीपिनिगु दथुइ म्हिगः आइतवाः छगू ज्याझ्वःया दथुइ समन्वयात्मक ज्याझ्वः जूगु दु ।

चिकित्सालयया पुलांम्ह नायः विजय मालीं न्हूम्ह नायः डा. श्रेष्ठलिसें सकलसित स्वांमाः क्वखायेकाः लसकुस यानादीगु खःसा न्हूम्ह नायः डा. श्रेष्ठपाखें नं पुलांम्ह नायः मालीलिसें दुजःपिन्त उकथं हे हनाबना तयाः लसकुस यानादीगु खः ।

येँ महानगरपालिका १७ वडाया नायः नवीन मानन्धरलिसें क्षेत्रपाति त्वाःया थीथी हनेबहःपिं ब्यक्तिपिं उपस्थित जुयादीगु खः ।

न्हूपिं पदाधिकारीपिनिगु सपथग्रहण थ्वहे वइगु असार ३१ गते जुइगु जूगु दुसा श्रावण १ गतेनिसें पदभार कयाः ज्या याइगु जूगु दु ।

Categorized in स्थानिय-समाज