telecom 18 kartik 2076

क्रिकेट संघया चुनाव असोजया निगुगु वालय्

नेवा: अनलाइन न्युज | २०७६ भाद्र ३०, सोमबार १५:०२:५६

नेपाल क्रिकेट संघ (क्यान)या विशेष साधारणसभा छवाः ल्यूने लिछ्याःगु दु ।

अन्तर्राष्ट्रिय क्रिकेट काउन्सिल (आईसीसी)या न्वकू इमरान ख्वाजा व अमर शेख व राष्ट्रिय खेलकुद परिषद (राखेप)या सदस्य सचिव रमेश सिलवालदथुइ सोमवाः येँय् जूगु वार्ताय् न्हूगु सहमति जूगु खः ।

आः असोज १० व ११ गते विशेष साधारणसभा जुइ, गुकिं क्रिकेट संघया न्हूगु नेतृत्व ल्यइ । थ्वसिबें न्ह्यः स्वतन्त्र पुचलं ३ व ४ गतेया नितिं विशेष साधारणसभा सःतूगु खः ।

तर राष्ट्रिय खेलकुद परिषदं थःपिंके अनुमति मकाःगु, २१ न्हु म्याद मब्यूगु व निर्वाचन समिति थःपिन्सं दयेकेमाmगु धासें अधिवेशन दिकेत निर्देशन ब्यूगु खः ।

समाधानया संघारय् थ्यंगु विवाद हाकनं ब्वलनीगु अवस्थाय् वयेधुंकाः आईसीसीया न्वकू ख्वाजा व स्वतन्त्र पुचलय् दुम्ह शेख नेपाः वःगु खः ।

सहमति कथं आः स्वतन्त्र पुचलं क्रिकेट संघया साधारणसभा यायेत राखेपयाके अनुमति कायेमालीगु जूगु दु ।

थ्व प्रक्रिया पूवनेधुंकाः साधारणसभा सःतूगु सार्वजनिक सुचं जारी जुइ । निर्वाचन धाःसा आईसीसी प्रतिनिधि तकं दूगु स्वतन्त्र पुचलं हे याकीगु जुइ ।

Categorized in कासा