chetrapa55

क्रान्तिकारी माओवादीया निर्णय ः उपनिर्वाचन बहिष्कार

नेवा: अनलाइन न्युज | २०७६ श्रावण २६, आइतबार १५:४४:४६

मोहन वैद्य किरण नेतृत्वया नेकपा क्रान्तिकारी माओवादीं वइगु उपनिर्वाचन सक्रिय रुपं बहिष्कार यायेगु निर्णय याःगु दु ।

महासचिव किरणया अध्यक्षताय् च्वंगु पोलिटब्यूरो बैठकं वइगु मंसीर १४ गते जुइगु प्रतिनिधिसभा प्रदेशसभा व स्थानीय तहया खालि जुयाच्वंगु ५० गू थासय् पदपूर्तिया नितिं जुइगु उपनिर्वाचन बहिष्कार यायेगु निर्णय याःगु खः ।

सत्ता व व्यवस्था बदनाम जुयावंगुलिं थुगु अवस्थाय् निर्वाच्नया उपयोग यानासिबें बहिष्कार यानाः संसदवादया भण्डाफोर यायेगु पायछि जुइगु ठहर यासें उपनिर्वाचन बहिष्कार यायेगु निर्णय याःगु क्रान्तिकारी माओवादीया तर्क दु ।

अथेहे, बैठकं भारतया संविधानय् धारा ३७० व ३५ ‘क’या व्यवस्था खारेज याःगुलिं विरोध याःगु दु । छुं दिं न्ह्यः जक भारतं उगु धारा खारेज यानाः काश्मीरया विशेष अधिाकर खोसेयाःगु खःसा लद्दाखयात ब्यागलं तःगु खः ।

Categorized in राजनीति