swastha 76 12 19

कोरोनाया लिच्वः...थुगु दँया ओलम्पिक कासा मजुइगु जुल !

नेवा: अनलाइन न्युज | २०७६ चैत्र १०, सोमबार १०:५६:३६

जापानय् जुइगु धयातःगु ओलम्पिक खेलकुद लिछ्याइगु निश्चित हे जुइधुंकूगु दु । जापानी प्रधानमन्त्री सन्जो ओबें ओलम्पिकया तिथि लिछ्यायेमाःगु अपरिहार्य जुइधुंकूगु धाःगु दु ।

अथेहे, हलिंन्यंकंया गुलिखे देसं ओलम्पिकया तिथि लिछ्यायेत दबाब बियाच्वंगु दु । जुलाईस तय जूगु ओलम्पिक खेलकुद थुगु दँ जुइगुलि शंका थ्वसिबें न्ह्यः हे जूगु खः ।

कोरोना भाइरसया महामार िहलिंन्यंकं ब्वलनाच्वंगुया संकटयात ध्यानय् तयाः जापानयात ओलम्पिकया तिथि लिछ्यायेत दबाब ब्यूगु खः ।

क्यानडां जुलाईस ओलम्पिक जूसा थःगु देस सहभागी मजुइगु घोषणा यायेधुंकूगु दु । न्यूजिल्याण्डं खुलापौ च्वयाः तिथि लिछ्यायेत धाःगु खः ।

आः कोरोना भाइरसया संक्रमण जापानय् नं दु । ओलम्पिकय् आपालं पदक त्याकाः वयाच्वंगु अमेरिका, चीन, युरोपेली देस, क्यानडा लिसेंया देसय् संक्रमणं भयावह रुप कयाच्वंगु दु । उगु देसतसें ओलम्पिक लिछ्यायेत आग्रह यानाः वयाच्वंगु दु । थ्वहे हुनिं आः थुगु दँया ओलम्पिक कासा मजुइगु निश्चित जूगु दु ।

Categorized in कासा