ad 2076 5 18

कोथुननी संरक्षणया नितिं जुलुस, गुथि संस्थानयात जनहस्ताक्षर (किपाः)

नेवा: अनलाइन न्युज | २०७६ भाद्र ८, आइतबार १२:२३:२८

येँया असंया क्वथुननी संरक्षणया नितिं थौं आइतवाः असतं बृहत्र जुलुस न्ह्याःगु दु ।

गुथि संस्थानं नीजि कम्पनीयात येँया असं त्वाःया सम्पदा असं कोथुननी थुनाः ब्यापारिक कम्प्लेक्स दयेकेत्यंगु विरुद्ध संघर्षरत असं कोथुननी बचाऊ अभियानं थौं आइतवाः सुथय् ११ ता इलय् असनं बृहत जुलुस न्ह्याकूगु खः ।

असंया कोथुननी दुने न्यासः दँ पुलांगु अशोकवृक्ष विहार व विहारय् विराजमान अमिताभ बुद्ध ल्यंकातयेगु नितिं थीथी थासय् थ्यंमथ्यं नीद्वलं मल्याक्क मुंकूगु हस्ताक्षर गुथि संस्थानयात लःल्हायेगु नितिं हे थौं असनं जुलुस पिकनाः येँया त्रिपुरेश्वरय् च्वंगु गुथि सस्थान ज्याकुथि थ्यंकेगु ग्वसाः ग्वःगु खः ।

Categorized in राष्ट्रिय