telecom 18 kartik 2076

कुमार पन्त त्यात ‘एनआरएनए’या नायः पदय्

नेवा: अनलाइन न्युज | २०७६ कार्तिक १, शुक्रबार ११:२९:५८

गैरआवासीय नेपाली संघ (एनआरएनए)या नायः पदय् कुमार पन्त निर्वाचित जूगु दु ।

संघया न्हूगु कार्यकालया नितिं बिहिवाः जूगु निवाृचनय् थः प्रतिस्पर्धी कुल आचार्ययात परास्त यासें पन्त विजयी जूगु खः ।

मतगणना क्वचाःसां नं मत परिणाम धाःसा औपचारिक रुपं घोषणा जुइ ल्यंदनि ।

गोरखा फुजेलया स्थायी बासिन्दा पन्त सन् १९९९ निसें जर्मनीइ व्यवसाय यानाः वयाच्वंगु दु । पन्त थ्वसिबें न्ह्यः एनआरएनएया निगू कार्यकाल न्वकू जुइधुंकूगु दु ।

पन्तं थः उम्मेदवार जुयाच्वंगु इलय् लगानीइ योगदान, सम्मानपूर्ण वैदेशिक रोजगारी, नागरिकता व मतदानया अधिकार, दिगो संगठन व व्यापक सहभागिताया न्यागू मन्त्र तकं सार्वजनिक याःगु खः । वं थःम्हं यानागु प्रतिबद्धता पूवंकेगु प्रतिक्रिया ब्यूगु दु ।

न्वकू बद्री केसी, सोनाम लामा, अर्जुनकुमार श्रेष्ठ निर्वाचित जूगु दु । ल्यं दूगु निम्ह न्वकूपिनिगु धाःसा मत परिणाम वःगु मदुनि । मूछ्याञ्जे व छ्याञ्जेया मत परिणाम सार्वजनिक जुइ ल्यं दनि ।

Categorized in अन्तर्राष्ट्रिय