telecom 18 kartik 2076

किपूया द्यःध्वाखाय् थौं बहनी ८ ता इलय् ब्याडमिन्टनया फाइनल कासा जुइगु

नेवा: अनलाइन न्युज – ललेन्द्र शाक्य | २०७६ श्रावण ३०, बिहिबार १६:४८:५८

किपूया २ वडा द्यःध्वाखा त्वालय् च्वंगु ईन्द्रायणी परिवार क्लबया देवध्वाखा ब्याडमिन्टन ग्रुपया ग्वसालय् थौं बिहिवाः गुन्हुपुन्हीया दिं ब्याडमिन्टन कासाया फाइनल कासा जुइगु जूगु दु ।

गुन्हुपुन्हीया दिं लाकाः थौं बिहिवाः बहनीसिया ८ ता इलय् किपूया हे २ वडा द्यःध्वाखा त्वालय् च्वंगु इन्द्रायणी परिवार क्लबया कासा मेदानया कोर्टय् जुइगु जानकारी ग्वसाः खलःया दुजः भुवन महर्जनं नेवाः अनलाईन न्यूजयात बियादीगु दु ।

भाजु महर्जनं बियादीगु जानकारी कथं फाइनल कासा सुरेश व केशया जोडी व सुदन व सानुया जोडी दथुइ जुइगु जूगु दु ।

ग्वसाः खलः इन्द्रेणी परिवार क्लबया देवध्वाखा ब्याडमिन्टन ग्रुपं सकलसित उगु फाइनल कासा स्वयेगु नितिं बिहिवाः बहनी ८ ता इलय् द्यःध्वाखाय् झायेत इनाप याःगु दु ।

Categorized in कासा