telecom 18 kartik 2076

किपूया ज्याथःजिथिपिंत स्वक्वःगुखुसि सितिकं भ्रमण

नेवा: अनलाइन न्युज | २०७६ कार्तिक २२, शुक्रबार १३:१६:२२

किपू नगरपालिका वडा ल्याः ३ या ज्याथःजिथिपिंत स्वक्वःखुसि सितिकं भ्रमण यंकूगु दु ।

किपू नगरपालिका वडा ल्याः ३ या ग्वसालय् दँय्दसं धार्मिक व साँस्कृतिक भ्रमण यंकाच्वंगु खःसा शुक्रवाः स्वन्हुया लागि पर्यटकीय व धार्मिक स्थल पोखरा भ्रमणया नितिं वंगु खः ।

शुक्रवाः सुथय् किपू नगरपालिकाया मेयर रमेश महर्जन, उपमेयर सरस्वती खड्का रिजाल, किपू नगरापालिका वडा ल्याः ३ या वडा अध्यक्ष राजेन्द्र महर्जन, १ वडाया वडा अध्यक्ष हर्ष महर्जन व ९ वडाया वडा अध्यक्ष गंगाराम महर्जनपिंसं खादां क्वखायेका, सिन्हः तिकाः बिदाई यानादीगु खः ।

किपू नगरपालिका वडा ल्याः ३ या ९० म्ह ज्याथःजिथिपिंत पोखरा भ्रमणय् यंकूगु खःसा इमित बिचाः यायेत स्वास्थ्यय् प्यम्हलिसें नीम्ह स्वयम् सेवकत नं दुथ्याःगु खः । प्यंगः बसय् वंगु उगु भ्रमण शनिवाः न्हिच्छि पोखरा चाःहिलाः आइतवाः छाब्दी बाराही मन्दिर दर्शन याका लिहाँ वइगु ग्वसाःखलकं जानकारी ब्यूगु दु ।

लुमंकेबहःजु थ्वयां न्ह्यः लुम्बिनी, मनकामना व जानकी मन्दिरय् चाःहिका हयेधुंकूगु दु ।

किपाः ज्ञानकुमार महर्जन

Categorized in स्थानिय-समाज