telecom 18 kartik 2076

किपूया ज्याथःजिथिपिंत सितिकं धार्मिक भ्रमण

नेवा: अनलाइन न्युज | २०७६ कार्तिक २२, शुक्रबार ११:०३:५८

ऐतिहासिक नगर किपू नगरपालिकाया वडा ल्याः ३ या ज्याथःजिथीपिन्त सितिकं धार्मिक स्थल भ्रमण चाःहिइके ब्वनाः यंकूगु दु ।

मंगलवाःनिसेंं बिहिवाःतक स्वन्हु चाःहिइकीगु उगु ज्याझ्वःया झ्वलय् मंगलवाः किपूू नगरपालिकाया मेयर रमेश महर्जन व उपमेयर सरस्वती खड्कां ज्याथःजिथीपिन्त सिन्हः तिकाः खादा क्वखायेका बिदाई याःगु खः ।

किपूया ३ वडाया ७० म्ह ज्याथःजिथीपिन्त मनकामना व जनकपुरया जानकी मन्दिरय् चाःहिइकाः बिहिवाः छेँय् लिहाँ वइगु ज्याझ्वः तयातःगु दु ।

किपू नगरपालिका वडा ल्याः ३ या ग्वसालय् जूगु उगु धार्मिक स्थल भ्रमण ज्याझ्वः खःसा थगुने नं धार्मिक थाय् लुम्बिनीया भ्रमण याकूगु खः ।

किपाः ज्ञानकुमार महर्जन

Categorized in स्थानिय-समाज