swastha 3

किपूया गाम्चाय् बजि मिल उलेज्या जुइगु

नेवा: अनलाइन न्युज – ललेन्द्र शाक्य | २०७६ श्रावण २४, शुक्रबार १६:०२:०८

वर्ल्ड भिजन इन्टरनेशनल नेपालया आर्थिक ग्वाहालिइ असल छिमेकी नेपालपाखें न्ह्यानाच्वंगु सहरी जिविकोपार्जन व फोहोर व्यवस्थापन परियोजना अन्तर्गत नीस्वंगु स्याबजी तथा लाभा उत्पादक पुचः व उगु संस्थाया मंकाः लगानीइ बजि मिल उलेज्या जुइगु जूगु दु ।

किपू नगरपालिका ४ वडा गाम्चाय् वइगु श्रावण २७ गते सोमवाः सुथसिया ९ ता इलय् उगु मिलया उलेज्या जुइगु जानकारी बिसें स्याबजी लाभ उत्पादक पुचः किपूया नायः रामभक्त महर्जनं उगु ज्याझ्वलय् सकलसित उपस्थितिया नितिं इनाप यानादीगु दु ।

किपू नगरपालिका ४ वडा गाम्चाया थःगु हे उत्पादन स्याबजी, लाभा (त्याः) व बजियात अप्वःसिबें अप्वः ब्यापार व्यवसाय सुथांलाक्क संचालन यायेगु नितिं बजि मिलया उलेज्या जुइत्यंगु खः धकाः गाम्चाया थुगु विषयस सम्बन्धित व्यक्तित्वपिन्सं जानकारी बियादीगु दु ।

Categorized in स्थानिय-समाज