कलाकारतय्गु पाखें जनगायक श्रेष्ठयात आर्थिक ग्वहालि लः ल्हात
नेवा: अनलाइन न्युज | २०७६ आश्विन २०, सोमबार १६:०२:३३
जनगायक भृगुराम श्रेष्ठयात नेपालभाषाया कलाकारपाखें आर्थिक ग्वहालि लः ल्हाःगु दु । ताः ई न्ह्यः निसें म्ह मफया थौंकन्हय् छेँ वासः याकाच्वनादिम्ह श्रेष्ठयात “जनगायक भृगुराम श्रेष्ठ सहयाग समितिं ” दुजःपिं जुजुकाजी रंन्जित, मनराजा नःकमि लिसें कलाकारपिं स्वयम्भु राज शाक्य,बिरेनशाक्य,जुगल डंगोल,रामकृष्ण खड्गी, रुपेन्द्र श्रेष्ठ शनिवाः जनगायक श्रेष्ठया छेँय् वानाः वककःया भिं उसाया कामना यासें ९० हजार आर्थिक ग्वहालि याःगु खः ।
थ्वया न्ह्यः नेवाः जागरण मचंया संयोजनय् निंस्वंगु “जनगायक भृगुराम श्रेष्ठ सहयाग समितिं ” वयकः म्ह मफया अस्पतालय् वासः यानाच्वंगु इलय् ३२ हजार तका ग्वहालि याःगु खःसा वयकःयात निरन्तर रुपं वासः यायेगु तयारी कथं ज्या न्हयाकाच्वंगु खँ सिइदुगु दु ।
