telecom 18 kartik 2076

ओएस म्यूजिक अवार्डय् हरिशरण सायमि बेष्ट पप एरेञ्जर विधाय् (भिडियो)

नेवा: अनलाइन न्युज – ललेन्द्र शाक्य | २०७६ आश्विन ३०, बिहिबार १५:४६:५२

नेशनल ओएस नेपाल म्यूजिक अवार्डस् २०७६ या धेंधेंबल्ला कासाय् नांजाःम्ह संगीतकःमि संगीत संयोजक हरिशरण सायमि ‘बेष्ट पप संगीत संयोजक’ विधाय् नोमिनेशनय् लाःगु दु ।

मनीषा प्रसाईया रचनां पिज्वःगु थुगु म्येय् मिना निरौला व स्वयं थुगु म्येया संगीतकार व संगीत संयोजक हरिशरण सायमिं सः बियातःगु ‘बैशालु ती डाली...’ बोलया म्ये बेष्ट पप संगीत संयोजक विधाय् नोमिनेशनय् लाःगु खः ।

हरिशरण सायमि छम्ह बांलाःम्ह संगीत संयोजक व संगीतकार जक मखुसे छम्ह प्रतिभावान् नामुद तबलाबादक नं खःसा थौंकन्हय् वय्कः तुङना बाजा थायेगुलि नं ब्यस्त जुयाच्वनादीगु दु ।

अथेहे, भाजु सायमि थौंकन्हय् येँया अनामनगरय् स्ट्रीङ्गस् नांया स्टुडियो चायेकाः छम्ह रिकर्डिष्ट व संगीत सयोजक जुयाः ज्या यानाच्वनादीगु दु ।

(थन क्लीक यानाः भिडियो स्वयादिसँ)

Categorized in कला