nepal lifef 2076 8 8

एम्बुलेन्स व ट्रक ल्वानाः ७ म्ह सित सुनसरीइ

नेवा: अनलाइन न्युज | २०७६ मङ्सिर १५, आइतबार १०:४०:०४

सुनसरीइ एम्बुलेन्स व ट्रक थःथवय् ल्वानाः एम्बुलेन्सय् च्वनावःपिं मनूत सीगु दु ।

विराटनगरं उदयपुरपाखे वनाच्वंगु को१च ९३६४ ल्याःया एम्बुलेन्स व ना२ख ९०८२ ल्याःया ट्रक वंगु चान्हय् कोशी गाउँपालिकाया हरिपुरय् ल्वानाः दुर्घटना जूगु खः ।

सुनसरीया प्रहरी प्रवक्ता डिएसपी विनोद शर्मां दुघृटनाया पुष्टि यासें एम्बुलेन्सय् च्वनावःपिं ७ म्ह मनूत सीगु धाःगु दु ।

दुर्घटनाय् ज्यान गुमेयाःपिं ३४ दँया दुर्गाधन राई, २८ दँया टेकेन्द्र राई, ५० दँया तुलबहादुर राई, ३१ दँया दिनेश राई व ३५ दँया मुकेश राई व शिवमाया राई खः ।

अथेहे, एम्बुलेन्स चालक राजेश दनुवारया नं ज्यान वंगु खः ।

सीपिंमध्ये ६ म्ह थःथितिपिं जुइफूगु अनुमान प्रहरीं याःसा आःतक सीमदुनि ।

Categorized in दुर्घटना-अपराध