nepal life 2076 3 18

Error message

Deprecated function: The each() function is deprecated. This message will be suppressed on further calls in _menu_load_objects() (line 579 of /home/newahub/public_html/includes/menu.inc).

एकेदेमिया सफू ब्वज्या न्ह्यात (किपाः व भिडियो)

नेवा: अनलाइन न्युज – ललेन्द्र शाक्य | २०७६ श्रावण २४, शुक्रबार १५:२५:१६

नेपालभाषा एकेदेमिया ग्वसालय् थौं श्रावण २४ गते शुक्रवाः गुंलाथ्व नवमिनिसें एकादसि श्रावण २६ गते आइतवाःतक स्वन्हुयंकंया सफू ब्वज्या ज्याझ्वः न्ह्याःगु दु ।

यलया ज्यावला ख्यलय् च्वंगु तमकःद्यःथाय् दुने जूगु उगु सफू ब्वज्या ज्याझ्वलय् जनकवि दुर्गालाल श्रेष्ठ मूपाहाँ कथं झायादीगु खः ।

ज्याझ्वलय् नेपालभाषा एकदेमिया चान्सलर चित्तरञ्जन नेपाली व भाईस चान्सलर यज्ञरत्न धाख्वाः मंकाः कथं सभाया नायः जुयादीगु खः ।

नेपालभाषा एकेदेमिया उगु सफू ब्वज्याया संयोजन प्राज्ञ विजयरत्न असंबरें यानादीगु खःसा भाजु असंबरें हे लसकुस न्वचू बियादीगु खः ।

मूपाहाँ जनकवि दुर्गालाल श्रेष्ठं त्वाःदेवाय् मत च्याकाः ज्याझ्वःया उलेज्या यानादीगु खःसा नेपालभाषा एकेदेमिया सदस्य सचिव मल्ल के सुन्दरं नुगः खँ तयेगु झ्वयल् नेपालभाषा एकेदेमिया आवश्यकता व एकेदेमिं यानाच्वंगु उपलब्धि लिसें जुयाच्वंगु सफू ब्वज्यापाखें वइगु सकारात्मक लबःया विषयस नुगःखँ तयादीगु खः ।

मूपाहाँ जनकवि दुर्गालाल श्रेष्ठं थःगु बचाःधंगु नुगःखँ तयादीगु उगु ज्याझ्वलय् सफू ब्वज्या कजि विजयरत्न असंबरें सकलसित सुभाय् देछानादीगु खःसा एकेदेमिया चान्सलर चित्तरञ्जन नेपाली व भाईस चान्सलर यज्ञरत्न धाख्वाःपिन्सं थःथःगु नुगःखँ तयाः सभा क्वचायेकादीगु खः ।

ज्याझ्वः प्राज्ञ रजनी मिलां न्ह्याकादीगु खः ।

(थन क्लीक यानाः भिडियो स्वयादिसँ)

Categorized in नेवाः