chetrapa55

एकेडेमिया ग्वसालय् न्यागू सफू पितब्वज्या

नेवा: अनलाइन न्युज – निश्चल | २०७६ श्रावण २५, शनिबार २१:४९:३१

नेपालभाषा एकेडेमिया ग्वसालय् तमकःद्यः, जावलाख्यलय् स्वन्हुयंकं जुइगु सफू ब्वज्या शुक्रवाःनिसें न्ह्यागु दु । स्वन्हुया ज्याझ्वःकथं शनिवाः ‘जिंनं बाखं च्वया’ (बाखं)–नर्मदेश्वर प्रधान, ‘लिफः’ (प्रबन्ध मुना)–प्रतिसरा सायमि, ‘श्री ३’ (चिबाखं)–विजय रत्न असंबरे, ‘खनाखँ’ (बाखं)–रिता देवी प्रधान, ‘आखे’ (चिबाखं)–नरेश अमात्यपिनिगु न्यागू सफू पितब्वज्या जूगुु दु ।
मूपाहाँ कथं झायादीम्ह जनकवि दुर्गालाल श्रेष्ठं न्ह्याथे मछिंथाय्नं नुगः जक तयाच्वनेमाः वनुगलं लुँहिति हायाच्वं, वहे हायाच्वंगु लुँहितिं साहित्य सफू जुया पिदनेफु–पिदनाच्वंगु दु–पिदनातुंच्वनेमा धयादिल । नागार्जुन पब्लिकेशनया नायः डा. सर्बोतम श्रेष्ठया नायःसुइ मिना बज्राचार्यं ज्याझ्वः न्ह्याकादीगु खः । उगु ज्याझ्वलय् यज्ञ रत्न धाख्वाः, डा. पुष्प राज राजकर्णिकार, प्रा. प्रेम शान्ति तुलाधर, मल्लके सुन्दरपिसं मंकाः कथं चिखिफ्यनादीगु खः ।
ज्याझ्वलय् मल्लं पिदंगु सफूया बारे छुंछुं खँ कुलादिल । अथेहे प्रतिसरा सायमि, नरेश अमात्य, विजय रत्न असंबरेपिसं नुगः खँ तयादीगु खः ।
बुखँ–नेवाः सूचना केन्द्र

Categorized in नेवाः