telecom 18 kartik 2076

ईन्द्रायणी परिवार क्लबं किपुली वडास्तरीय भलिबल कासा याइगु

नेवा: अनलाइन न्युज – ललेन्द्र शाक्य | २०७६ कार्तिक ८, शुक्रबार १७:२१:३७

किपू/सामाजिक ज्या लिसें थीथी कासा ख्यलय् सक्रिय जुयाच्वंगु किपूया २ वडा द्यःध्वाखाय् च्वंगु ईन्द्रायणी परिवार क्लबया ग्वसालय् ‘कीर्तिपुर नगर वडास्तरीय भलिबल कासा २०७६’ जुइगु जूगु दु ।

ग्वसाः खलः ईन्द्रायणी परिवार क्लबं ब्यूगु जानकारी कथं उगु कासाया नितिं कासा म्हितीपिं कासामिपिनिगु उमेर ३० दँ वा वसिबें अप्वःगु जुइमाः ।

क्लबं कासाय् ब्वति कायेगु नितिं लिपांगु दर्ता तिथि कथ. २०७६ मंसीर ४ गतेतक तयातःगु दु ।

अथेहे, कासाया तालिका २०७६ मंसीर ५ गते पिथनेगु जानकारी नं ब्यूगु दु । ईन्द्रायणी परिवार क्लबया ग्वसाःयात किपू नगरपालिका २ वडां ल्यू ग्वसाः खलः जुयाः ग्वाहालि याःगु दुसा कासाय् सहभागी जुइत दर्ता शुल्क कथं निद्वः तका दां क्वःछिनातःगु दु ।

Categorized in कासा