telecom 18 kartik 2076

आः छेँय् हे च्वनाः अस्पतालया टिकट कायेफइगु

नेवा: अनलाइन न्युज – ललेन्द्र शाक्य | २०७६ आश्विन १५, बुधबार १६:५७:५२

विराट मेडिकल कलेजय् ‘प्रभु पे’पाखें सुरु जुल

आः अस्पतालया ओपीडी टिकट कायेत विराम िव विरामयिा थःथितिपिन्सं घन्टौं लाइन च्वनेमालीगु अवस्था अन्त्य जूगु दु । टिकट काटेयायेगु नितिं विरामी अस्पतालय् तकं थ्यंके म्वाःगु सुविधा जूगु दु ।

आः विरामी वा थःथितिं छेँय् हे च्वनाः अस्पतालया ओपीडी टिकट काटेयाये फइगु व्यवस्था जूगु दु ।

‘प्रभु पे’ मोबाइल वालेटपाखें अस्पतालया ओपीडी टिकट काटेयायेगु व्यवस्थाया सुरुवात विराट मेडिकल कलेजपाखें जूगु दु ।

मेडिफ्लों मेमेगु अस्पतालय् नं थ्व सेवा विस्तार यानाः यंकेगु मेडिफ्लोया सिओओ सुरेन्द्र न्यौपानें जानकारी ब्यूगु दु । न्यौपानेया कथं मेडिफ्लों आः थ्व सेवा प्रभु पे मोबाइल वालेटलिसेया सहकार्यस न्ह्याःगु दु ।

अस्पतालं विरामयिा सहजताया नितिं प्रविधिया प्रयोग याःसें प्रभु पे मोबाइल वालेटपाखें टिकट काटेयायेगु व्यवस्था न्ह्याःगु अस्पतालया कार्यकारी निर्देशक डेनिश कार्कीं जानकारी ब्यूगु दु ।

कार्कीं धाःगु दु, “अस्पतालय् ओपीडीया टिकट कायेगु नितिं ताःहाकःगु लाइन च्वनेमाःगु वाध्यता दु । जिमिसं थीथी प्रविधिया छ्यलाबुलापाखें थुकियात व्यवस्थित यायेगु ज्या यानाच्वनागु दु । आः मोबाइल एपपाखें हे काटेयायेफइगु जुइधुंकाः विरामीं छेँपाखें हे टिकट काटेयाये फइगु जूगु दु ।”

आः थ्व सेवापाखें टिकट काट्ेयायेगु नितिं मोबाइल छ्लाबुला याइपिन्सं प्रभु पे मोबाइल वालेट नांया एपयात डाउनलोड यायेमाः । प्रभु पे मोबाइल वालेटपाखें थ्व सेवा काइम्ह ग्राहकया निति. विशेष सहुलियतया व्यवस्था यायेगु प्रभु टेक्नोलोजीया जीएम खुशल रेग्मीं जानकारी ब्यूगु दु ।

प्रभु पे वालेटय् रजिष्टार जुइधुंकाः थःगु थीथी बैंकपाखें रकम जम्मा यायेफइ । वधुंकाः उगु एपय् दूगु हस्पिटल धैगु बटनय् क्लीक यायेमाः । हस्पिटल बटन दुने दुहाँ वनेधुंकाः विराट अस्पतालय् क्लकि यायेमाः । विराट अस्पताल क्लीक यायेधुंकाः अन न्हूगु वा पुलांगु ओपीडी धैगु विकल्प वइ । उकी पुलांगु खःसा पुलांगु व न्हूगु खःसा न्हूगु ओपीडी ल्ययेमाः । वधुंकाः थःम्हं जाँच यायेचाहे जूगु विभाग व डाक्टर लिसें तिथि ल्ययेमाः । उगु प्रक्रिया लिपा विरामीं थःगु विवरण जायेकेमाः । फुक्क विवरण जायेकेधुंकाः टिकटया मू थःगु प्रभु पे मोबाइल वालेटय् दूगु ब्यालेन्सपाखें काटेयाइ ।

थुकिया लिसें अस्पतालं अस्पताल जःखः दुने एटिम मेशिनथें ‘किओस्क मेशिन’पाखें नं टिकट कायेफइगु व्यवस्था तकं याःगु दु ।

थथेहे, अस्पतालं ल्याब रिपोर्टत अनलाइनय् स्वयेफइगु व्यवस्था तकं न्ह्याकूगु दु ।

Categorized in बजाः