nepal lifef 2076 8 8

आः छविराजया प्यम्हम्ह कलाः शिल्पा थः नापं च्वनीला ?

नेवा: अनलाइन न्युज | २०७६ आषाढ २६, बिहिबार १५:२०:१२

शिल्पा व छविराजदथुइ सहमति जुल

नायिका शिल्पा पोखरेलं थः भाःत छविराज ओझाविरुद्ध प्रहरीइ ब्यूगु उजुरी सहलहपाखें क्वचाःगु दु ।

येँ प्रहरी परिसर टेकुइ जूगु निगू पक्षया सहलह लिपा शिल्पा पोखरेल व छविराज ओझादथुइ सहमति पतिइ ल्हाःचिं तःगु खः । थ्वसिबें न्ह्यःं नायिका शिल्पां थः भाःतपाखें असुरक्षित जूगु धासें शान्ति सुरक्षा माग यानाः उजुरी ब्यूगु खः ।

परिसरया डिएसपी होविन्द्र बोगटीया कथं शिल्पा पोखरेलया सुरक्षाय् आँच मलाइगु कथं छविराज ओझां लिखित सम्झौता याःगु दु । वहे झ्वलय् ओझां शिल्पालिसे माफी नं फ्वंगु खः ।

डिएसपी बोगटीं धाःगु दु, “वय्कःपिन्सं सहमति यानादिल । थ्वलिसें प्रहरीइ लाःगु उजुरी क्वचाःगु दु ।”

शिल्वां छविराजलिसे डिभोर्सया माग तःगु धाःसां नं सहलहस व विषय प्रवेश मजूगु खः । व विषय उजुरीइ मदूगु व व्यक्तिगत खँ जूगुलिं प्रहरी न्ह्यःने सहलह मजूगु धाःगु दु ।

निम्हेसिगु दथुइ सहमति जूसां नं शिल्पा छविराजलिसे न्हापाथें नापं च्वनी कि मच्वनी धैगु धाःसा स्पष्ट जूगु मदुनि ।

नायिका शिल्पा पोखरेल निर्माता छविराज ओझाया स्वम्ह धुंकाः प्यम्हम्ह कलाः जुयाः ओझा निवासय् दुहाँ वंगु खः ।

शिल्पा व छविराजं २०७३ सालया मोहनीया इलय् गोप्य रुपं ब्याहा याःगु खः ।

ताःई इमिसं थःपिनिगु ब्याहायात सुचुकूगु खः । तर, वंगु दँ निर्माता ओझा नं थःपिन्सं ब्याहा यायेधुनागु स्वीकार याःगु खः ।

म्यूजिक भिडियोय् ज्या यानाच्वंम्ह शिल्पायात छविराजं संकिपा ‘लज्जा’पाखें डेब्यू याकूगु खः ।

निर्माता छविराज ओझाया थ्वसिबें न्ह्यः स्वम्हम्ह कलाः नायिका रेखा थापा खः । रेखा थापा न्ह्यःया निम्ह कलाःमध्ये छम्ह कलाः नं आत्महत्या याःगु खःसा मेम्ह गथे खँ जानकारीइ वःगु मदु ।

Categorized in कला