chetrapa55

असमावेशी लोसेसेवा विज्ञापनविरद्ध बालुवाटारय् धर्ना

नेवा: अनलाइन न्युज – ललेन्द्र शाक्य | २०७६ श्रावण २९, बुधबार १३:०५:२९

आदिवासी जनजाति महासंघलिसें थीथी संघसंस्थापिनिगु मंकाः संघर्ष समितिं थौं बुधवाः प्रधानमन्त्री निवास बालुवाटारय् शान्तिपूर्ण धर्ना ज्याझ्वः याःगु दु ।

सरकारं लोकसेवा आयोगया विज्ञापन असमावेशी कथं पिकाःगु धासें तन्हु न्ह्यःनिसें लोकसेवाया विज्ञापनविरुद्ध संघर्ष यानाच्वंगु खः ।

थौं प्रधानमन्त्री निवास बालुवाटारय् निषेधित क्षेत्रयात उल्लंघन मयाःसे थीथी नारा दूगु प्लेकार्ड लिसें धर्ना ज्याझ्वः याःगु खः ।

संघर्षरत नेपाल आदिवासी जनजाति महासंघं संघीयताया मूल मर्म व समानुपातिक समावेशी सिद्धान्त अःखः लोकसेवा आयोगं असमावेशी विज्ञापन पिकाःगु धासें थुकियात भिंकाः समावेशी यायेमाःगु माग यानाच्वंगु खः ।

आन्दोलनकारीपिन्सं वंगु सोमवाः सिंहदरबारया मूलुखाय् धर्ना ब्यूगु खःसा प्रहरीं थथे धर्ना ब्यूपिं दर्जनौं आन्दोलकारीपिन्त दमन यानाः गिरफ्तार याःगु खः ।

Categorized in राजनीति