ad 2076 5 18

असंया कोथुननी ल्यंकातयेगु नितिं शनिवाः भेला

नेवा: अनलाइन न्युज – निश्चल | २०७६ भाद्र ६, शुक्रबार ०९:५३:१८

गुथि संस्थानं नीजि कम्पनीयात येँया असं त्वाःया सम्पदा असं कोथुननी थुनाः ब्यापारिक कम्प्लेक्स दयेकेत्यंगु विरुद्ध संघर्षरत असं कोथुननी बचाऊ अभियानं न्ह्याकाच्वंगु ज्याझ्वःयात कयाः भेला च्वनीगु जूगु दु ।

कन्हय् शनिवाः येँया नेपाः ब्यांक्वेटय् सुथसिया ८ ता इलय् उगु भेला च्वनेत्यंगु खः ।

नेवाः जागरण मञ्चया संयोजनय् कन्हय् जुइगु उगु भेलाय् सम्पदा आन्दोलनय् आबद्ध थीथी खलः पुचः, संघसंस्थालिसें थीथी राजनीतिक पार्टीया नेवाः कार्यकर्तापिन्त ब्वनातःगु दु ।

कोथुननी बचाऊ अभियानं कोथुननी दुने न्यासः दँ पुलांगु अशोकवृक्ष विहार व विहारय् विराजमान अमिताभ बुद्ध ल्यंकातयेगु नितिं थीथी थासय् मुंकूगु हस्ताक्षर गुथि संस्थानयात लःल्हायेगु ज्याझ्वः तयातःगु दु ।

आइतवाः सुथय् ११ ता इलय् असनय् मुनाः जुलुसलिसें वनीगु उगु ज्याझ्वः ताःलाकेगु नितिं व कोथुननी ल्यंकातयेगु संघर्ष छाय् यायेमाल धैगु विषयस दुग्यंक खँ ब्याकेगु नितिं थथे भेला सःतूगु खँ जागरण मञ्चं धाःगु दु ।

Categorized in राजनीति