nepal life 2076 3 18

Error message

  • Deprecated function: Methods with the same name as their class will not be constructors in a future version of PHP; views_display has a deprecated constructor in include_once() (line 3478 of /home/newahub/public_html/includes/bootstrap.inc).
  • Deprecated function: Methods with the same name as their class will not be constructors in a future version of PHP; views_many_to_one_helper has a deprecated constructor in require_once() (line 113 of /home/newahub/public_html/sites/all/modules/ctools/ctools.module).
  • Deprecated function: The each() function is deprecated. This message will be suppressed on further calls in _menu_load_objects() (line 579 of /home/newahub/public_html/includes/menu.inc).

अमेरिकी ग्रीनकार्ड : न्हूगु नियम सार्वजनिक

नेवा: अनलाइन न्युज | २०७६ श्रावण २८, मंगलबार ११:१२:३१

कानूनी रुपं अमेरिका च्वनाः वयाच्वंपिं आप्रवासीपिनिगु भिसा अवधि अप्वयेत व स्थायी नागरिकता अर्थात् ग्रीनकार्ड कायेगु प्रक्रियायात ट्रम्प प्रशासनं अझ नं कठोर याइगु जूगु दु ।

अमेरिकी सरकारं आप्रवासनलिसे सम्बन्धित न्हूगु नियम घोषणा याःगु दु । उगु नियम कथ. उज्वःपिं आप्रवासीपिनिगु आवेदन स्वीकार याइमखु गुम्ह भविष्यय् अमेरिक िसरकारया सेवा व योजनाय् आश्रित जुइफु । थुगु हिउपाःपाखें सरकारी सुविधाय् दच्छिसिबें अप्वः ईतक आश्रित जूपिं आप्रवासीपिं लिच्वलय् लाइ ।

ह्वाइट हाउसं धाःगु दु, ‘अमेरिक िनागरिकया हितया रक्षाया नितिं अमेरिकाय् च्वनीपिं आप्रवासीपि. स्वयं आत्मनिभृर जुइमा ।’

अंग्रेजी सयेके हे माःगु

आःनिसें अमेरिकां ग्रीनकार्ड बिइन्ह्यः आवेदकया आर्थिक अवस्था, शिक्षा, उमेर व अंग्रेजी भाषायात आधार मानेयाइ । छुं छगू मापदण्डयात जक स्वयाः निर्णय याइमखु ।

अमेरिकी नागरिकता एवं आप्रवासन सेवाया कार्यवाहक निर्देशक केन चुच्चिनेलीं सोमवाः पत्रकार सम्मेलनय् ब्यूगु जानकारी कथं न्हूगु नियम १५ अक्टुबरनिसें लागु जुइ ।

पब्लिक चार्ज रुल धाइगु अमेरिकाया न्हूगु नियम थथे दु ः

न्हापा हे अमेरिकी नागरिकता कायेधुंकुपिन्त न्हूगु नियमं लिच्वः लाकीमखु । लिसें शरणार्थी व शरणार्थी शिविरय् च्वनाः वयाच्वंपिन्त नं न्हूगु नियम लागु जुइमखु ।

तर, भिसा अवधि अप्वयेकेगु नितिं बिइगु आवेदन, ग्रीनकार्ड या अमेरिकी नागरिकता कायेगु नितिं बिइगु आवेदनय् थ्व नियम लागु जुइ ।

थ्व नियम कथं अमेरिकी मापदण्ड कथं आय मदुपिं या सरकारी ग्वाहालि गथेकी, खाद्यान्न, सरकारी अस्पताल, सरकारी आवासथें जाःगु सुविधा कयाच्वंपिन्त भविष्यय् अमेरिका प्रवेशय् थाकुइफु । आःया अवस्थाय् अमेरिकाय् च्वनाः वयाच्वंपिं सरकारी सुविधाय् निर्भर जूपिं आप्रवासीपिनिगु आवेदन खारेज जुइगु सम्भावना दु ।

छगू अनुमानकथं अमेरिकाय् कानुनी रुपं २ करोडसिबें अप्वः मनूत दु, सुइके अमेरिकी नागरिकता मदु, इपिं नं न्हूगु नियमपाखें लिच्वलय् लाइ ।

थ्वहे झ्वलय् मानवअधिकारकःमिपिन्स. ट्रम्प प्रशासनं लागू याःगु न्हूगु नियमया आलोचना यानाः वयाच्वंगु दु । न्हूगु नियमपाखे. म्हो आय दुपिं व अप्वः आयः दुपिं आप्रवासी दथुइ भेदभाव याःगु इमिसं द्वपं ब्यूगु दु ।

नेशनल इमिग्रेशन ल सेन्टरं थुज्वःगु नियम लागु मयायेगु नितिं ट्रम्प प्रशासनविरुद्ध अदालत वनेगु घोषणा याःगु दु ।

ट्रम्पं सन् २०१७ य् हे ग्रीनकार्ड लट्री ज्याझ्वः धाइगु डिभी भिसाया आलोचना याःगु खः, गुगु डिभीपाखें अमेरिकाय् ५०,००० आप्रवासीं स्थायी नागरिकता कायेखनी ।

Categorized in अन्तर्राष्ट्रिय