nepal lifef 2076 8 8

अमेरिका बास जुइपिं सक्षम युवापिनिगु नितिं डीभी चाल

नेवा: अनलाइन न्युज | २०७६ आश्विन १५, बुधबार १६:१६:३२

सन् २०२१ या नितिं डीभी चाल, पासपोर्ट नम्बर व इमेल अनिवार्य

सन् २०२० या नितिं अमेरिकी डाइभर्सिटी भिसा (डीभी)या नितिं आवेदन चाःगु दु । बुधवाः न्हिनय् १२ ता ईनिसें चाःगु अनलाइन आवेदन ५ नोभेम्बर २०१९ न्हिनय् १२ ता इलय् बन्द जुइ ।

थुगु दँ आवेदन फाराम भरेयायेबलय् पासपोर्ट नम्बर, पासपोर्टया म्याद व इमेल थाय् बाय् अनिवार्य याःगु दु । छम्ह व्यक्तिं छक्वः जक आवदेन बिइफइ । छक्वःसिबें अप्वः आवेदन फारम भरेयाःम्ह व्यक्ति डीभीया नितिं अयोग्य ठहर जुइ ।

आवेदन फारम भरेयायेत छुं शुल्क तुइमखु डीभीया अनलाइन फारम थःम्हेस्यां हे भरेयायेत व फारम भरेयायेधुंकाः वइगु कनफर्मेसन नम्बर सुरक्षित तयातयेमाः । लिच्वः सार्वजनिक जुइधुंकाः वहे कन्फर्मेशन नम्बरया आधारय् थःत डीभी लाः मलाःगु सीदइ ।

थुगु दँ ५५,००० मनूतसें डीभी चिठ्ठापाखें अमेरिकाया भिसा कायेखनीगु अमेरिकी अधिकारीपिन्सं धाःगु दु । व्यक्तिगत विवरणया आधारय् कम्प्युटर सिष्टमं डीभीया नितिं योग्य व्यक्तिपिनिगु छनोट याइ । तर डीभी लायेवं अमेरिकाया भिसा कायेखनीगु निश्चित धाःसा जुइमखु । वधुंकाः नं थीथी सर्त व प्रक्रियात पूवंकेमाःगु अधिकारीपिन्सं धाःगु दु ।

भारत व पाकिस्तानलिसें १७ गु देसया नागरिकपिन्सं डीभी भरेयाये मदइगु

नेपालीपिन्सं डीभीया आवेदन फारम भरेयाये फइ । भारत, पाकिस्तान, बंगलादेशलिसें १७ गू देसया नागरिकपिन्सं धाःसा डीभीया फारम भरेयाये मदइगु जूगु दु ।

डीभीया आवेदन बिइ मदइगु देसत चीन (मू भूमिइ जन्म जूम्ह), ब्राजिल, क्यानाडा, कोलम्बिया, डोमिनिक रिपब्लिक, एल साल्भाडोर, ग्वाटेमाला, जमैका, मेक्सिको, नाइजेरिया, फिलिपिन्स, दक्षिण कोरिया, बेलायत (उत्तरी आयरल्याण्ड बाहेक) व भियतनाम खः ।

छाय् धाःसा उगु देसया ५०,००० म्ह नागरिकपिन्त डीभी लायेधुंकूगुलिं निवेदन बिइ मदइगु जूगु दु । तर, चीनया मू भूमिइ जन्म जूपिं बाहेक हङकङ, मकाउ व ताइवानया बासिन्दापिन्सं धाःसा डीभी भरेयाये फइगु जूगु दु ।

Categorized in अन्तर्राष्ट्रिय