swastha 76 12 19

अप्वः भाडा काःपिं २० म्ह कारवाहीलय्

नेवा: अनलाइन न्युज | २०७६ चैत्र ९, आइतबार २१:४९:५५

मौकाया फाइदा कयाः अप्वः भाडा कयाः टिकट मीपिं नीम्हेसित प्रहरीं थौं कारबाही याःगु दु । महानगरीय ट्राफिक प्रहरी महाशाखाया प्रमुख प्रहरी वरिष्ठ उपरीक्षक भीमप्रसाद ढकालं यात्रु जुयाः वंबलय् अप्वः भाडा काःगु खनेवं थौं उमित कारवाही याःगु कनादिल । स्वन्हुया दुने ४६ म्हेसित थथे कारवाही याये धुंकूगु दु । 

थ्वयां न्ह्यः शनिबाः १७ म्हेसित व शुक्रवाः गुम्हेसित कारबाही याःगु खः । ट्राफिक प्रहरीया हटलाइन १०३ य् वःगु गुनासोया लिधंसाय् प्रहरीं यात्रु जुयाः वंबलय् थथे अप्वः भाडा काःगु खंगु खः । उमित न्हूगु बसपार्क, कोटेश्वर, बलम्बु, चाबहिल व गौशालापाखें ज्वंगु खः । 

उमिसं छपा हे टिकट निम्हेसित तकं मीगु यानाच्वंगु नं लूगु खः । गुलिसितं अप्वः भाडा मपुल धाःसा मयंकेगु यानाच्वंगुलिं ज्वनागु प्रहरीं धाःगु दु । प्रहरीं थः हे यात्रु जुयाः निगरानी यायेगु, वनेत्यंगु गाडीया यात्रुयाके जानकारी कायेगु व यात्रु च्वनीगु झ्वलय् च्वनाः टिकट फ्वनाः श्रब्यदृष्य रेकर्ड यानाः कानूनया दायराय् हयेगु यानाच्वंगु दु । 

Categorized in दुर्घटना-अपराध