अजय देवगनया अबु नांजाःम्ह द्वन्द्व निर्देशक विरु देवगन मन्त
नेवा: अनलाइन न्युज | २०७६ जेठ १४, मंगलबार ०९:२८:००
बलिउडय् नांजाःम्ह द्वन्द्व निर्देशक विरु देवगन मन्त । विरु देवगन बलिउडया स्टार हिरो अजय देवगनया अबु खः ।
बलिउडया व्यापार विश्लेषक तरन आदर्शं ट्वीट यासें विरु देवगन सोमवाः सुथय् मदूगु पुष्टि याःगु खः ।
विरु देवगनं काय् अजय व बलिउड सुपरस्टार अमिताभ बच्चनं अभिनय यानादीगु संकिपा ‘हिन्दुस्तानकी कसम’या निर्देशन तकं यानादीगु खः ।
‘फूल और काँटे’ संकिपापाखें काय् अजय देवगनयात बलिउडय् दुतहयादीम्ह द्वन्द्व निर्देशकलिसें संकिपा निर्देशक विरु देवगनया सोमवाः सनिलय् अन्तिम संस्कार याःगु खः ।
Categorized in अन्तर्राष्ट्रिय
