telecom 18 kartik 2076

अछामय् जीप दुर्घटना, स्वम्ह सित

नेवा: अनलाइन न्युज | २०७६ भाद्र ५, बिहिबार १२:२०:४१

अछामया बान्नीगढी जयगढ गाउँपालिका ५ य् जीप दुर्घटना जुयाः स्वम्ह मनूत सीगु दुसा चालकलिसें निम्ह घाःपाः जूगु दु ।

कैलालीया रामारोशनं जयगढ वनाच्वंगुु से१ज ९९५ ल्याःया जपि वंगु बहनी थ्यंमथ्यं ८ः१५ ता इलय् कालिकालिडी सुकीबाग धैगु थासय् सतकं थ्यंमथयं ७०० मिटर क्वय् कुतुंवनाः दुर्घटना जूगु खः ।

दुर्घटनाय् बान्नीगढी जयगढ गाउँपालिका–४ या ३८ दँया कालुसिंह आउजी, वहे थासय् च्वंम्ह ३७ दँया अशोक परियार व बैतडीया डिलासैन गाउँपालिका–३ या २२ दँया लालबहादुर बोहरा सीगु खः । परियारया घटनास्थलय् हे व आउजी व बोहरा वासः यायेगु झ्वलय् चान्हय् ११ः१५ ता इलय् सीगु जिल्ला प्रहरी ज्याकुथि अछामं जानकारी ब्यूगु दु ।

दुर्घटनाय् जीप चालक कैलालीया कैलाली घोडाघोडी नगरपालिका–७ कीर्तिपुर च्वनीम्ह थ्यंमथ्यं २६ दँया जनजीर चौधरी व कैलालीया धनगढी उपमहानगरपालिकाया थ्यंमथ्यं २५ दँया घनश्याम चौधरी घाःपाः जूगु खः । इमिगु अवस्था छु. भच्चा सामान्य खनेदूगु व बयलपाटा अस्पतालय् वासः जुयाच्वंगु प्रहरीं जानकारी ब्यूगु दु ।

Categorized in दुर्घटना-अपराध